Чолбон үргүөрэ

(биэс көстүүлээх пьеса)

 

Оруолларга:

Венера Ивановна – сүрүн герой, уонча сыл үлэлээбит гинеколог идэлээх быраас.

Ньургуһун – эдэр кыыс.

Бүөтүр – Ньургуһун аҕата.

Лүүсэ – Ньургуһун ийэтэ.

Болот – Ньургуґун кэргэнэ, баґаарынайга µлэлиир уол.

Ону таһынан судьуйа, суут сэкирэтээрэ, борокуруор, “Сахамедстрах” юриһа, сµрµн быраас, біґµілэк олохтоохторо кістіллір.

Далее →

Эппэкиин аҕа

Сэһэн

 

I

– Хайа, бу кыыс ханна түстэ? – Мариса Алек­сеевна, ааны тэлэччи аһан, аҕылаан-мэ­ҥилээн кии­рэн кэллэ. Сирэйэ кытарыаҕынан кытарбыт. Түргэнник хаампытыттан аҕылаан эп-эппэҥнэс. Бэрт ыараханнык туттан толору астаах икки ба­кыаты остуолга уурда. Бэйэтэ аҕылыы-аҕылыы ат­тыгар турар олоппоско ыараханнык туттан олор­до. Чараас кууркатын уґулан кириэһилэҕэ бырахта. Соппуоскатын уһулаары, биэтэһигэр кыбыллан иннинэн-кэннинэн барбат буолбут со­муогун араараары, төттөрү-таары тардыалыы олордо.

Далее →

Буруут

Пьеса

 

Онньуур дьоно:

Сэмэн – сэбиэскэй саллаат.

Анна – сиэстэрэ.

Фриц – ньиэмэс саллаата.

Семен Петрович – сэрии бэтэрээнэ.

Анна Михайловна – сэрии бэтэрээнэ.

Фриц Брут – ньиэмэс бааһынайа.

Дайаана – сиэн кыыс.

Иосиф Брут – тюрколог-чинчийээччи.

Далее →

Айыыһыт Хотун биир күнэ

Аҕыс иилээх-саҕалаах аан ийэ дойду үрдүк мэҥэ халлаанын сэттис хаттыгар хаһан да күн киирбэт, кыһын кэлбэт сырдык сылаас дойду киэҥ алааһын хабыллар хаба ортотугар моҕол ураһа турар. Бу – уйаара-кэйээрэ биллибэт, кы­тыыта көстүбэт алааска икки атахтаах, иннинэн сирэйдээх үөскүүр-ууһуур дьаһалын барытын бас билэр Айыыһыт хотун резиденцията. Сан­даарыйбыт туос ураһаҕа Айыыһыт хотун утуйа сытар. Төһө да күн көрдөр, түүҥҥү тыын са­тыылаан, салгын хойдон, тыас-уус намыраан турар. Бэл, бу алааска тохтообокко чуопчаарар чыычаахтар бааллара-суохтара биллибэт. Айыы­һыт сэргэх уутун уйгуурдумаары, илии-атах буо­лар дьуһуурустубаҕа сылдьар эрэкэ-дьэрэкэ уол­лаах кыыс отур-ботур кэпсэтэллэр.
– Бүгүн хотуммут кут иччилиир күнэ. Үлэ элбэх, – диир уол. – Тура илигинэ чэйдиэх.
Кыыс уһун баттаҕын тараан, суһуоҕун өрүнэ олорор. Кинилэр субу эрэкэ-дьэрэкэ оҕолор уоп­сайдарыттан кэлэн олороллор. Ыксааннар чэй­дээбэккэ кэлэн хааллылар.
– Чэ, оттон чэйгин оргут. Эн ыксаппытыҥ дии, – диэн кыыс өс саҕа буолар.

Далее →