ОЙУУНУСКАЙГА КУОЛАСТААҤ!

Ытыктабыллаах бар дьоммутун, үйэ-саас тухары төрөөбүт дойдутугар автономия кэлэрин туһугар, норуоту көмүскүүр сиэрдээх политика олохтоноругар,  олох-дьаһах, наука, литература, үөрэх, спорт, доруобуйа харыстабыла, сибээс, авиация онтон да атын сайдыы суолларын тэлбит Платон Алексеевич Ойуунускай 125 сааһын туолбут үбүлүөйдээх сылыгар, бар дьоно махталын, ытыктабылын билинэн кини аатын Дьокуускай авиапордугар иҥэрэр бачыымын өйөөн, кини килбиэннээх аатын киртитээри хоруотуур тылы-өһү ылыммакка, биир санаанан өйүөххэйиҥ!

Кини олоҕо хаһан даҕаны чэпчэки, нус-хас буолбатаҕа. Ону ол диэбэккэ кыра-хара норуота атын сайдыылаах омуктартан хаалсыбакка өйүн-санаатын түмэн сардаҥалаах олоҕу тутарыгар тыынын биэрбитэ. Бүгүн кини биир санаалаахтарыныын суохтан суоран акалаат уурбут республикалара күннэтэ тупсан, сайдан иһэрэ хайдах курдук кэрэний.

Платон Алексеевич муҥура суох дойдутун, онно олорор норуоттары таптыыра уонна доҕордоһуу күүһүгэр итэҕэйэрэ:

“П.А.Ойунский исходил из глубоко интернационалистических позиций и заявил на первом губернском съезде, что “задачей трудящихся Якутской губернии является установление братских отношений между трудящимися якутами и русскими(1921г.)”. “П.А.Ойунский писал о необходимости постоянной заботы о судьбах малых народностей. Принял специальное постановление об освобождении их от уплаты сельхозналогов. По инициативе П.А.Ойунского Президиум ЯЦИК 20 сентября 1924 г. Образовал Комитет по делам малых народностей”. Ити кэмитиэккэ бэйэтин председателынан талбыттар. “П.А.Ойунский, находясь на постах Председателя ЦИК ЯАССР, а затем наркома просвещения и здравоохранения (1928-1929гг.) внес большой вклад в деле организации советской школы и ликвидации неграмотности взрослого населения, борьбу с социальными болезнями. В 1924 г. Организовал Совет по физической культуре при Президиуме ЯЦИК, председателем был избран он же”. (М.М.Федоров).

“Особенности П.А.Ойунского состоит в том, что он был разносторонним феноменом. Поэтому в его чувствах и мыслях, борьбе и деятельности, в его литературном наследстве отражены наиболее характерные черты его эпохи”. (Г.П.Башарин)

“Наша история в том, чтобы свою литературу сделать общечеловеческим достоянием” диэн суруйбута эдэркээн Платон 1917 сыллаахха эрэнэр итэҕэйэр доҕоругар Максим Аммосовка. “Кини бэл дакалааттыын үөрэ-дьүөрэ хоһоон буолара. Ылан көрүҥ кэпсээннэрин:“Имииһит түүлүн”, “Иирбит Ньукууһу”, “Сүрэҕи” барыта поэзия. Кини бүтүн олоҕо даҕаны ыллана илик — поэма, сурулла илик — драма, көрдөрүллэ илик -трагедия” диэн ахтар Суорун Омоллоон.

Ойуунускай төрөөбүт тылын муҥура суох таптыыра: “Саха тыла сайдыан баҕарабын, сайдыа диэн бэккэ эрэнэбин. Оҕо төрөөбүт тылын кытта норуот муудараһын, норуот олоҕун уопутун, кини сурукка суруллубатах сокуон буолбут моральнай кодексын этигэр-хааныгар ыкса иҥэринэн үүнэр”-диирэ.

Күндү дьоммут, Платон Алексеевич норуотугар таптала ийэҕэ таптал тэҥэ этэ. Саханы, улуу мөҥүөннээх суоллары ааһан муус-хаар дойдуну тапталынан муоһалаабыт чулуу, муударай омугунан ааҕара. Ол иһин, норуот Олоҥхотун кыһарҕаннаах кэмнэргэ күөн түөһүнэн көмүскээн норуотугар хаалларбыта.  Бэл, өлөр-хаалар күнүгэр дойдутун эрэ буорун булар баҕалааҕа уонна оннук да буолбута.

Ыҥырабыт, улуу убайбыт эппитин курдук Өрөйөн-чөрөйөн биэрэргэ! Уонна, Олоҥхо дойдутун Аан Аартыгын Алгысчыта Платон Ойуунускай бэйэтинэн буоларын куоласпытынан бигэргэтиэҕиҥ!

Куоластыыр сайт: https://xn--80adjaaqabpiqn.xn--p1ai/

Куоластыыр төлөпүөн (куораты ыйыталлар, «Якутск» диигит, номерын «4» диигит): 8-800-707-93-17.

Саха сирин суруйааччыларын союһун правлениета

Добавить комментарий